Aura Soma

amazing!
上星期日晚，開始搽Aura Soma，搽了2日後，有啲嘢喎！眼淚流出了，心想原來件事係咁嘅！流淚時，感覺就好像大隻佬找到因果後，領悟到！
我跟阿高說：好神奇！
阿高說：係呀！會這樣的...
其實，我一直都解釋唔到為何要做分手這決定。
當時不少朋友也問：最簡單，你還愛他嗎？
我答：不知道...我真的不知道。
慘，我連最簡單的問題也答不到... 點解？點解？
當時有一個朋友形容：拍了很多年拖的人，關係就好像屋企人一樣，好難分手，你會不會跟屋企人講分手？唔會嘛！而大家已經是大家的一部分，好難撕開的...
結果撕開後，果然有點痛。
阿高上星期解釋這支油時說：跟一個人一起很多年，你和他不知不覺間建立了很多很多... 漸漸地發覺失去了自己，然走出這段關係...想尋找自己，想獨立。
我回頭再想想當時：當感情變得 flustered 時... 工作呢？一樣的 flustered... 嘩！你話死唔死！雙重迷失，無法掌握，沒有方向。
相信這支93號的 Aura Soma是幫到我從新認識什麼是關係及怎樣處理關係。開放自己，無論我和你之後會變成怎樣，或會否再一起。
亦多謝你給我時間和空間去好好的處理自己。